Fast Foods kitchen

 🍖 عرق التربيانكو (اللحمة الباردة)  ⭕ كلمتكم في البوست اللي فات عن عرق التربيانكو ومكانه بيبقى فين بالظبط .. وهو عامه العضله الخلفيه للعجل وبيكون شكله اسطواني ولحمه ناشف لانها عضله متحركه .. ووزن العرق بيبقى حوالي ٢ او ٣ كيلو 👌تعالو نشوف هنعمله ازاي 😋👌 📌 هنجهز العرق عن طريق اننا هنلفه بدوباره بالطريقه اللي في الصوره وننشفه من السوائل كويس بمناديل ورق وبعدين نعمل فيه ثقوب عميقة ببوز سكينة رفيعة من كل حته وده لاننا هانحشيها فلفل اسود حصى وتوم صحيح وتكون الفصوص حجمها متوسط مش كبيرة  📌 بعد اما نحشية توم وفلفل اسود بالكامل ومن كل الجهات هندعكة بملح عليه شوية زيت عاشن يخللي الملح يمسك فيةاللحم وميقعش من عليه 📌 في صينيه بقى او حاجه على اد العرق هننزل فيها بشويه سمنه على زيت ونشوح العرق حلو اوي من كل الجهات .. عشان انا عايزه يتشمع تماما من بره عشان المسام بتاعته تتقفل ويحتفظ بالسوايل والعصاره اللي فيه  📌 وبعد اما نشوحه هننزل عليه فى نفس الصينية ببصلة كبيره متقطعه اربع تربع وجزر متقطع مكعبات كبيرة ونضيف عليهم كوب ماء ونغطيه بورقة زبده وفوقها فويل ونقفله باحكام  ?...